|
| 點解人哋個 xanga 可以見到個 blackground 但係我果個就見唔到嘰?? 仲有噃... 係人哋度留言會變怪獸字架~~ 死啦.... 部電腦係未有事呢??!! | | |
| 究竟我哋係咩關係, 講真你去左邊, 同邊個一齊, 做緊d mud 我全部都可以唔理, 我都係想得個"知"字姐, 有幾難呀, 如果你咁覺得係同我交代 + 好唔願意嘅話, 可以好簡單咁同我講兩個字, 咁我就可以唔駛理你架喇, 呢樣野講左好多好多次, 但係點解次次都係咁, 次次我打俾你都好似阻住你咁, 好討厭呀!!!!!! 明知我會唔開心但係咁樣樣, 我又唔係話要我批准先可以去街, 咁啱一齊同一日放假又係度問"咁又點?" 好吖, 咁唔好約我囉, 我又唔係得你一個人陪我, 唔係淨係得你一個多人約架!! | | |
| 唔知點解對住部電腦想打野, 但係又諗唔到想講咩, 個腦好似突然之間一片空白咁....... 我個course 仲有兩個星期就完成, 6年喇~ 咁就過左6年....... 咁多年都冇好好咁休息過, 終於都可以過返一個長假期, 其實如果唔係身體唔好都一定會繼續讀埋果4年嘅, 不過都希望可以係5年內完成埋個degree 啦, 咁樣就真係安樂晒lu | | |
| 突然好想食甜品呀, 唔知有冇人會陪我去食呢??!! 但係自己又成日都好忙, 唔得閒, 想人哋約我都幾難啦, 有時搭巴士返工放工&返學放學嗰時都會想去好多地方, 但係又唔想自己一個人去噃, 如果約人又唔知可以約邊個...... 因為大家都好似好忙咁, 不過冇所謂啦, 冇街去可以去做多d運動, 身體都會好dd | | |
| 呢大半年晚晚都差唔多係度發夢, 次次都發唔同嘅野...... 但係令到我每日都瞓得唔好, 仲要係多數係唔好嘅野添噃!! 成日都諗返以前d野, 一d我唔想再去記番起嘅人&事!! 尋日搭巴士嘅時候, 見到一個有似曾相識嘅髮型(背影), 跟住又勾起一d回憶, 嗰個人曾經冇珍惜我, 點解我仲要諗返起佢, 點解?? 佢欠我嘅點解我仲要記住....... 好辛苦!! 希望可以學識忘記........ | | |
|
